დიახ, მე არ ვარ მონა!!! მე ვარ ადამიანი, შექმნილი ღმერთისგან, სრულყოფილად შექმნილი და განვითარებისთვის მოვლენილი... ნუ გგონიათ, რომ სრულყოფილება არ ვითარდება... ეს მცდარია და ჭეშმრიტებას აცდენილი დოგმაა...
დიახ, მე არ ვარ მონა, რადგან თავისუფლება თან დამყვა, დაბადებიდან დამყვა და მას ვერავინ და ვერაფერი წამართმევს. დიახ, მე არ ვარ მონა!
თავისუფალი ვარ!
ეს ჩემი თანდაყოლილი ბუნებრივი მდგომარეობაა, ჩემი თანდაყოლილი უფლებაა, შინაგანი ხმაა, ძახილია, შინაგანი განცდაა.
დიახ, მე არ ვარ მონა! და ეს ვიცი! ვიცი და ვამაყობ იმით, რომ ვარ ადამიანი, შექმნილი თავისუფლებისთვის, შინაგანი თავისუფლებით შობილი და შემდგომ სიცოცხლის გზაზე განვითარებისთვის დამდგარი... და ზუსტად ეს განცდა არ მაძლევს უფლებას, სხვისი თავისუფლება ხელვყო! არავინ არ ხელყოფს მას, გარდა თავად ადამიანისა!
დიახ, მე ვერ ვიქნები მონა, რადგან ჩემი ძიების გზა, ღმერთისკენ მიმავალი გზაა!
ამიტომ, ის გზა, რომელიც მიდის ღმერთისკენ, ვერასდროს იქნება გზა მონობისკენ!
დიახ, მე ვერავინ მიბრძანებს, ვერ დამიმორჩილებს, ვერავინ გადამტეხავს, ვერავინ დამდებს მონობის ბორკილს, ვერ დამდაღავს, ყურს ვერავინ დამისერავს მონობის ნიშნად. ვერავინ მიყიდის და ვერავინ გამყიდის...
დიახ, მე ვარ შექმნილი თავისუფლად და თავისუფლებისთვის, ეს კი ისეთი მდგომარეობაა, როდესაც იცი ამ თავისუფლების საფასური (ის შეუფასებელია, ფასდაუდებელია), ამიტომაც ვერანაირ მატერიალურ სიმდიდრესა თუ კეთილდღეობაზე ვერც გაიცვლება და ვერც გაიყიდება!
დიახ, მე ვარ თავისუფალი, დაბადემამდეც და დაბადების შემდეგაც, რომელიც მოვლენილი ვარ ამ თავისუფლების განსაცდელად და შემდგომი განვითარებისთვის, განვითარებისთვის, რომელიც გადის ღმერთისკენ მიმავალ გზაზე და ერთადერთი მსაჯული არის ღმერთი, ერთადერთი ხმა ამ მსაჯულისა არის სინდისი, რომელიც მკარნახობს როდის ვუშვებ შეცდომას, როდის ვაშავებ რამეს, როდის კი ჭეშმარიტებისკენ მიმავალ გზას ვადგავარ. გმადლობ, ამისთვის, ღმერთო!
დიახ, თავისუფლება – ეს ჭეშმარიტების ძიების გზაა, ჭეშმარიტება კი საკუთარ თავზე გავლით ღმერთისკენ მიდის.
დიახ, მე ვარ თავისუფალი და ამ თავისუფლებას ვერავის დავუთმობ, რადგან ყველას ჩვენ–ჩვენი უნივერსალური, უნიკალური და ინდივიდუალური ბუნებიდან გამომდინარე, ეს მდგომარეობა გაგვაჩნია, მაგრამ, ვაი, მას ვინც მას თმობს, ვინც ვერ აცნობიერებს რას ნიშნავს იყო თავისუფალი...
დიახ, მე ვარ თავისუფალი ინდივიდი, პიროვნება, რომელიც გუშინ იყო ცალ მუხლზე დაჩოქილი, ისევ და ისევ მხოლოდ ისვენებდა, რათა დღეს ორივე ფეხზე მყარად დამდგარიყო და თავისუფლად გაეგრძელებინა ჭეშმარიტების ძიება.
არსაიდან მოეპოვებინა ის ძალა, რომელიც ამოძრავებს სულიერ არსებას.
დიახ, მე ვარ სრულყოფილად შექმნილი და განვიცდი ჩემში არსებულ მრავალ სამყაროს, მრავალ რთულ ორგანიზმს, მრავალ უჯრედს, რომლებიც ზუსტად ჩემნაირად, თავისუფლები არიან, მაგრამ ერთად, ერთობლივად, მოწესრიგებულად, რიტმულად თანავარსებობთ და უსასრულო სამყაროს მინი–მოდელს ვქმნით... დიახ, ელემენტარული ნაწილაკები მირიადნი არიან და მათ საკუთარი ფსიქოლოგია აქვთ, გააზრებულად და თავისუფლად ქმნიან ახალ ცხოვრებას, სიცოცხლეს, სამყაროებს... აი, რატომ ვარ თავისუფალი და სამყაროს თანაგანმცდელი...
დიახ, ჩემში მრავალი სამყარო ჩაიდო; დიახ, ჩემი შექმნის პროცესში მინი მოდელის ჩადებისას, სრულყოფილად შემქმნეს ამ სამყაროში და მხოლოდ ამ სამყაროში, ეს სრულყოფილება მაძლევს იმის გარანტიას, რომ გარდაცვალებამდე შინაგანი თავისუფლების განცდა ბოლომდე შევინარჩუნო...
მე არ მაქვს უფლება ჩემში არსებულ მრავალ უხილავ სამყაროს საარსებო წყარო შევუწყვიტო... არ მაქვს უფლება, რომ საკუთარ თავს ვუღალატო, ჩემში არსებულ მრავალ მე–ებს ზურგი ვაქციო და ვიქცე იმად, რაც ჩემთვის არაორგანულია... დიახ, მე ვარ მრავალბუნებიანი, რთული, რომელიც ყველაზე მარტივია, ისეთივე მარტივად რთულია როგორც თავად სამყარო შეცნობამდე...
ჩემი თანდაყოლილი და შემდგომ გამოწრთობილი ხასიათი, ფსიქიკა, მრავალუჯრედოვანი სხეული მაძლევს იმის ძალას, რომ ორივე ფეხზე მყარად დავდგე, გავშალო ხელები, სამყაროს ხმას ავყვე, ნიავს მივუშვირო სახე, ღრმად ჩავისუნთქო და ყველას გითხრათ: დიახ, მე არ ვარ მონა!!!
და გმადლობ, ღმერთო, სიცოცხლისთვის!
Комментариев нет:
Отправить комментарий